ålgнаωаѕ βlоg

بسم الله الرحمن الرحيم .. السلام عليكم و رحمة الله ,,

هاي كم صورة صورتها في رحلتنا لماليزيا اللي طافت امم ,, في البداية .. حبيت اشكر كل من :

- أخوي محمد الذهب .. بصراحة ما قصر .. طول الرحلة و انا لاصق فيه يعطيني نصايح و توجيهات ,, و بصراحة واايد استفدت منه

- أختي عزة النفس .. طرشتلي دروس عالايميل ,, و استفدت منهم واايد في التعديل على الصور  ..

___

بصراحة الصور مب ذاك الزود ,, بعدني مبتدئ في التصوير .. و الصور عليها كثير من النقد و الملاحظات >> شي اكيد

عالعموم .. اخليكم مع الصور .. و ننتظر آرائكم و ملاحظاتكم ^^

أكمل قراءة بقية الموضوع

السلام عليكم .. كيف الحاااال

تعرفون اجازة الصيف هو الوقت الوحيد اللي ممكن الواحد يجابل فيه هواياته و ينمي مهاراته

و تعرفون بعد اني من زمااان ماخذ كيمرة نيكون D200 و ما حللت قيمتها !!!

من يومين كنت اكلم اخوي محمد .. صاحب ” مدونة الذهب “ .. فيقوولي : شو اخبار التصوير وياك ؟

قلتله والله ما فيه شي يديد ,, ما اعرف شو اصور ,, و ما فيه حد يشجع >>> شكلي غمظته بهالكلمة

فقالي شو رايك باجر نتلاقى  >> على اساس انه بنصور كم شي داخل البيت .. عاد انا ما صدقت على طول قلت اوكي ..

الموهم ,, وياني الحبيب  ويايب معاه  العده ,, عدسات و فلاتر و ها اللي يسمونها “خيمة ضوئية”.. و كم درس من النت ,, و كم ملف بي دي اف “كتب الكترونية” يعني ما شاء الله عليه ,, سوالي دورة في البيت

أكمل قراءة بقية الموضوع

السلام عليكم و رحمة الله .. امس المسا يا في بالي اصور   -  مايصير يعني ماخذ كيمرة يديدة و ما صورت فيها شي للحين -

الموهيم ,, كنت حاط في بالي اني اصور الكورنيش بطريقة الـ ” بانوراما ” اكيد تعرفونها ( يعني تصور اكثر من صوره  و بعدين تدمجهم مع بعض شان تطلع صورة وحده طويلة )

بصراحة انا مالي في التصوير وايد ,, بس قلت خلنا نجرب  .. و ما لقيت وقت غير بعد الفجر .. عاد اوني رومسني قلت  بصور الشروق من ورا البنايات ..طبعا صورت اكثر من صورة ,, و بعدين دمجت الصور بالفوتوشوب ,,

و هاللي طلع معاي ( اظغطوا عالصورة للتكبير )

أكمل قراءة بقية الموضوع