ålgнаωаѕ βlоg

السلام عليكم ..

شحالكم و شخباركم ,, ان شاء الله طيبين ..

انزييييين ,, بدش في الموضوع على طوول ..

عندي سؤال .. الواحد إذا فكر ينشد نشيدة ..  شو الاشياء اللي المفروض يراعيها ؟؟

الموضوع .. الكلماات .. اللحن .. الأداء .. التوزيع و الهندسة .. الكورال ..  شو بعد ؟

خلونا نمسك الموضوع حبه حبه .. نبدا بالأهم - في رأيي -

ادري في ناس لهم  وجهة نظر مختلفة من حيث الأهمية .. نصهم يقولون انه اللحن او الكلمات هي الأهم  ,, whatever

أكمل قراءة بقية الموضوع

السلام عليكم .. عدنا

مثل ما قلت في اخر تدوينة انه هالاسبوعين بتكون فترة امتحانات و بصراحة انشغلت طول الاسبوع اللي الطاف ,,  والاسبوع الياي بيكون نفس الحال ..  امتحاانااات و ربيبورتاات و برووجكتاات و بريزنتيشنااات  و انته مااشي ..   يالله هانت  مر اسبوع و باقي هالاسبوع ,, و ان شاء الله بيعدي بسرعة

المووهيم .. هالمرة بتكلم عن الويكند  بما انه الاسبوع اللي طاف كان كله دراسة × دراسة .. يعني ما سويت شي  .. اما في الويكند ..

أكمل قراءة بقية الموضوع

ما فيني رقاد ,, شو اسوي ؟؟ 

ها السؤال اسأله نفسي في كل ويكند !

اصمم ؟؟ .. ما لي مزاج اليوم
اقرا كتاب ؟؟ .. ما عندي شي ينقرا >>> إلحقني يا محمد 
اخذ لفة في النت ؟؟ .. ما فيه شي جديد 
اراجع دروسي ؟؟   يا رجل ,, خل عنك هالسوالف  - اصلا ما يبت شي معاي  -

شو ممكن اسوي الحيييييين ؟

أكمل قراءة بقية الموضوع

مررررررحب .. شحالكم زوار مدونتي الاعزاء ؟ 

قوولوووا مبروووووووووووك ,,  واخييرا حصلت دورة تصميم ستايلات متكاااملة ” مع التقطيع و التركيب ”

من زمااان وانا ابا اتعلم كيف يصممون ستايلات للمنتديات  .. و تعبت و انا ادور دروس في النت ,, لكن ما حصلت شرح مثل الناس

من شهر ,, كلمني اخوي ” زياد ” صاحب مدونة خواطر شباب عن دورة تصميم  الاستايلات  يطرحها منتدى  ” ملتقى المبدعين “ >> مشكووور وما قصرت  

دخلت الموقع وقريت تفاصيل الدورة  و شفت الوقت و كل شي ,, والحمد لله  كل شي اوكي لانها بتكون بعد امتحانات المنتصف

 شوفوا ,, ها جدول الدورة ,,

أكمل قراءة بقية الموضوع

السلام عليكم .. اول شي ,, اعذروني اني ما حطيت شي هالاسبوع  ، كنت حاط في بالي اني اطلع بتصميم كل اسبوع . لكني انشغلت هالاسبوع بعدة امور و انضغطت بسبب قصر الويكند ” باجر السبت دوام تعويض عن اجازة العيد

واخيررا .. و بعد معاناة لاكثر من اسبوع و نص ,, قدرت اطلع صوت  بنغمه صحيحة ,, من قبل العيد و انا مزكم و بصراحة حسيت كيف صعب تتواصل مع الناس و نص الحروف تطلع غلط ..    و مع سمع ثقيل بسبب الاذن المنسدة  >> شي مش طبيعي  هذا من غير اني متعود ادندن مع نفسي كل ما لقيت فرصة 

من رجعنا من رحلة تركيا ,,  و انا و اخويه  عبدالله  مش عارفين احنا وين ” كمشرفين “ .. مع الكبار و لا مع الصغاار .. و الحمد لله  في اخر اجتماع عرفنا انه تم دمجنا مع مجموعة الصغار لاكثر من سبب ” المطلوب مشرفين لهم بارظ  ” لهم صبر ” على اليهال - البزران او الاطفال - مع خبرة مقبوله في التعامل مع مختلف الشخصيات و الطبائع  بالإضافة إلى اسلوب تربوي في التوجيه و النصح    >>> كاني زودتها حبتيين هع   

تدريجيا .. بدت تتضح بعض ملامح  الفرقة الانشادية   عقدنا اليوم ثاني اجتماع لنا و حضر جميع اعضاء الفرقة الـ 8 .. تناقشنا في عدة امور تخص الفرقة + لمحة عن  الاهداف و الخطط المستقبلية  + الوسائل و الطريقة الطرح  + اخذنا فكرة عن اصوات الاعضاء و اداءهم   و حددنا بشكل مبدأي هيئة الفرقة ” من ناحية الادوار  .. ولكن إلى الآن لم نستقر على اسم للفرقة  

وبس