السلام عليكم … كيف الحااال 
>> حسيتوا اني مستانس مع هالابتسامة 
واخييرا خلصنا من جو الدراسة و لوعة الجبد و بدت اجازة الربيع .. 
من يومين طلعت مع 3 من الشباب ( عبود و عبود و عبود ) و رحنا بر الختم .. وها تقرير بسيط عن الطلعة حق اللي ما كانوا معانا .. و حق المغتربين في امريكا 
.. اسمحولي عاد باخذ راحتي شوي
مثل كل مرة .. البداية من بيت المحيربي .. حملنا الاغراض في السيايير و ” قلصنا ” الدراجات و ” البولارس ” و تحركنا للبر
وصلنا البر .. و عاد لين ما نحصل مكان زين عشان نلعب فيه بالدراجات .. بعد لف و دوران .. استقرينا على بقعة ..
لعبنا بالدراجات و السيايير .. و كالعادة .. لاززم حد يغرز و ينكد علينا الطلعة 
.. بس دام الاف جي موجود .. ابدا لا تحاتي
ما انصح اي حد يركب مع المحيربي .. سواقته تشيب شعر الواحد 
يسحب بظميير مسكين .. على أساس بيطلع يعني 
انزيين .. و احنا نسوولف كنا نسمع صوت البولارس .. .. فجأة سمعنا صوت “ارتطام” و انقطع الصوت !! .. كلنا سكتنا .. و تمينا نطالع بعض ..
شوي و نسمع واحد من بعيد يصرخ .. ” عادي عادي ما صار شي “
رحنا نشوف شو الوضع .. طلع ان ( ع.الزعابي ) اماراتي الجنسية و يحمل جوار رقم …. >> بروح في داهية .. الجواز اخظر
الحبيب منجلب بالبولارس >> هاللي ما يعرفون يسوقون 
الحمد لله .. البولارس ما ياها شي .. بس انعوا الليت اللي جدام .. و الدريول بعد ما ياه شي .. شوي رضوض بسيطه .. و الظاهر اثرت على مخه بعدين .. والكل لاحظ هالتأثير وقت العشا
الموووهيم .. ظلمت الدنيا .. و بر الجو .. فيعني لازم نوري الظو ” نشعل النار ” و نجهز عدة الشوي ..
كل واحد انشغل بشي .. انا و عبدالله المحيربي علينا العشا .. المحيربي كان يشوي وانا عليه الإشراف .. و ” التست “>> لا تلوموني ذوييق في الأكل .. عبدالله الزعابي جابل الظو .. كل شوي يحط حطبه عشان ما تنطفي .. و الحبيب عبود الرميثي متفيزر فوق الند يالس يصور
جهز الأكل .. و تعشينا >> محد ياه شي على حد علمي ..الحمد لله
و بعدها يلسنا حول الظو و سووالف و جاي كرك من ايد المحيربي .. يعني على كيف كيفك >> ماي حار و حليب ابو قوس و بدون سكر بعد
مر الوقت .. و زادت بروده الجو .. طبعا كلهم يايبين جاكيت إلا انا .. يعني ثلجت .. فقلنالهم يالله عالبيت ^^
و لمينا الاغراض و توكلنا على الله .. و رجعنا
و هاي بعض الصور الفنية من ” عبدالله الرميثي ” ( RA3Y-AD )
.
.
.
في النهاية ..
- نشكر عبدالله الرميثي و عبدالله المحيربي على الطلعة الحلوة .. ما قصروا جهزوا كل شي و احنا ياين عالجاهز
- نحمد الله على سلامة عبدالله الزعابي.. لا تتهور مرة ثانية
نشوفكم في طلعات ثانية ان شاء الله و السموحة عالقصور
اخوكم .. 
يا حي الله سلوم
ماشالله على هالتقرير كفيت و وفيت << الهاشمي محد هالمره عشان يسويلك اياه
انشالله الجمعه اليايه بعد شي طلعه و لازم تكونون موجودين
واخيرا كتبت شي ,,
لازم يكون في شوي اكشن عشان تكون الطلعه حلوه ,,,
اول شي ثاانكس ع التقرير ,, ما خليت شي هع
وثااااااااااااانييي شي ليش الفضايح:@
ياخي تهورنا شوي والبلارس ما تقول لا
وووو ماشاء الله عليك عبوود تصوير ولا اروع << موت قهر ( سلوم )
هي صح شو رايكم في البطل اللي يسحب السياره << عايش الوهم
الممممهم ثاانكس ع التقرير الحلو :)
هلا .. راعي بوظبي هع
يسلمووو عالمرور .. نشوفك الجمعة الياي
____
هلا عبود ..
>>> عبود لا تصدق 
ويا رااسك ليش اموت قهر .. اصلا عبود استاذ في التصوير يعني ما فيه مجال تقارني معاه
ثانكس عالمرور .. حياك الله
و الله بعد هاي رحلات 2010
مال 4 أشخاص
.. المهم انكم استانستو و إجازة سعيدة
>>> في انتظار اجازتنا
لووول .. شو نسوي .. محد مأجز غيرنا
يالله شد حيلك في الدراسة .. و بالتوفيق في الامتحانات
يقولون انا كنت ناقصنكم في هالرحلة ؟
ههههههه
والله كنت اتمنى اني اكون وياكم .. بس تعرفون بعد للظروف احكام وحكم القوي على الضعيف
اهم شي انكم استانستو .. وغيرتوا جو ..
وما قصرت يا سالم على هالتقرير الحلو ..
هلا والله منصور
منور المدونة
ما عليه .. ان شاء الله نشوفك في المرات الياية ..
تسلم عالمرور و التعليق
شكلها رحله حلوه
اهم شي انكم استانستوا
والصور جميله :)
بانتظار تقارير الطلعات القادمه*_*
اهلا اختي ..
شكرا عالمرور ..
انا حاليا في جولة خليجية سريعة للبحرين و الكويت و قطر ..
ترقبوا التقرير يوم برجع ان شاء الله
الله يديم وناستكوو
التقرير ممل و بايخ .. و لو ما كتبته أحسن
^
^
الرد إلي فوق نتيجة لأنك ماصممت إلي أباه
طيب .. التقرير حلو و لا تزعل >> بس انت خلص إلي اباه
<< على فكرة هالابتسامة عاجبتني 
و حقيقة أنا رديت لأشكرك على عرض صور عبدالله .. عجبتني صوره وايد سواء إلي مصورها في هالرحلة أو في الموقع إلي حطيته .
لا .. لا يا بو حسين
أولاً ..ما يصير تحرج الريال جي .. تعطيه فالويه
ثانيا .. الريال مسافر و ما يصير تغتابه
و ثالثاً .. ” من كان يؤمن بالله و اليوم الآخر فليقل خيراً او ليصمت ” صدق رسول الله صلى الله عليه و سلم .
نفس المكان والزمان من سنه
الله يالايام يوم كنت بجلب الشباب
وانا كنت جذي 
كلهم تموا يطالعوني جذي
بس محد ياب تقرير بدال الفتك كان استيشن العام وغرز مرتين
اشتقنالكم شباب
كبسوله
فرجينيا الغربيه
السلام عليكم .. اول شي اشكر اللي علقوا عالتقرير
محمد يالدفش .. ليش
لا تقول ما صممت لك .. صممت عالسريع و ما عيبك و قلتلك بسويلك غيره يوم برجع من السفر
يعني ما كان له داعي تسوي زحمة
____
احمد .. لا اتعب عمرك وياه
هاللي يقولك ” سو خير و فره بحر ” >>> ما يخصه
___
هاشمي .. اشتفنالك و الله و افتقدناك في الطلعة
يسلمو عالمرور
الموهيم انا توني طايف حدود الامارات و ما صدقت تشتغل خدمة النت في الايفون
سوري عالرد المستعجل
نراكم قريبا
رحلة موفقه بس المره اليايه روح المناطق الشماليه علشان تلقطون حماض ( نبات يظهر بعد نزول المطر ) وانشاء الله تستانسون .. المهم انه الخبطه ما يت فبك علشان ما تتعلث وتترك المدونه.. مصوركم بارع مشاء الله
مرحبا خالوه ..
ههه كلله ولا المدونه
مشكورة عالمرور و التعليق
ياحيكم استانستوو
عيبتي صوره السيارتين وايد
انزين سؤال كل شي فهمته
بس شو يعني البولارس ؟؟
وشكرا ع المدونه الروعه
بانتظار جديدك
يحيكم والله يجنن المكآآآن ..~
مابتودوني معاكم ابا ارووح ^^
ثآآنكس خيوو ع التقرير .. ~
و مشكوور ” RA3Y-AD ” ع الصور الطرطريشن
و ثآآنكس نترياكم في تقرير ثاني
ياخي حلات البقي و الله
و الله ترتبيشن
اخبركم انتو الا 3 مروحين ؟؟
وين البقية
………………………..
اخبرك غواص انت مروح وياهم ؟
ولا صورة حقك لا حول و لا قوة الا بالله
تصور شوي على الأقل انزين