بسم الله الرحمن الرحيم
…
كح كح >>>> اليوم و انا يالس انبش في اللابتوب .. لقيت كم تصميم مغببببر
عاد قلت خلني احط لكم كم واحد .. عشان اشوف رايكم
التصميم الاول .. الأحباب >>> يا عيني انا 
من أوائل التصاميم اللي صممتها .. كنت أسمع نشيدة ابو عبدالملك و عيبتني كلماتها
و طبعا ,, اخوكم في الله فاظي ,, ما صدق يلاقي شي يصمم له ,, راح و صمم عالكلمات
اترككم مع التصميم
التصميم الثاني .. الحرية
هالتصميم سويته بسبب مناسبة - سعيده - مرت علي
فحبيت اني افرغ بعض اللي في خاطري .. فطلع هالتصميم ^_^
التصميم الثالث .. ما عرفت شو اسميه 
ها التصميم مسونه وانا على خط بوظبي - الشارجة ..
واحد فاظي حاط اللابتوب في حظنه .. و الهيدفون في اذنيه .. و الدريول على يساره>> قبل ما اطلع الليسن 
..
و يالس يتعبث بالفوتو وصل البيت و هو مخلص هالتصميم
^.^
التصميم الثالث .. الليدي بيرد
محد شاف هالتصميم إلا و تطنز عليه 
…. إلا واحد الله يذكره بالخير
قالي الألوان عجيبه .. و رفع من معنوياتي >> إلا قص عليك و خذك على قد عقلك 
وعشان خاطره ,, حطيت التصميم في المدونه
عاد شو رايكم انتوا ؟؟
التصميم الأخير في هالمجموعه .. اللحن الحزين
الله يسلمكم عالتصميم قصته قصه ..
كان يا ما كان في قديم الزماان ……. >>>> اخلص و فكنا 
التصميم ها يت فكرته وانا مسافر ماليزيا مع الأهل .. طبعا طفره + ملل + ماشي ربع
وللاسف ما كنت ماخذ اللابتوب .. وبما انه الفكره يتني فجأه رحت و رسمتها على الورق
و يوم رجعت من ماليزيا .. سافرت تركيا مع الشباب >>> عشان أعوض عن ملل ماليزيا >> دلع من سفره لسفره
و كنت ماخذ اللابتوب معاي ,, فسويت التصميم في تركيا ,,
اوو صدق ,, اصلا التصميم عبارة عن خلفيه لللابتوب ,, باسم اللحن الحزين ( نك نيمي الجديم ) لوول
هالتصميم ,, بقياس مصغر
السموحه عالإطاله ,,
رايكم لا عدمناكم ,, اخوكم ,,
الغواص