السلام عليكم .. ما بطول عليكم ,, بما اني مسافر ,, ما بغيت الموضوع يتأخر اكثر من جي ,,
اسمحولي اني نقلت الموضوع الاصلي كما هو ^^
__________________________________________
هَــــذَا شـعَــارِي
للمنشد
سَـــالِم الغَــوّاص
يوليو
8
2009
8
2009
{ لنا عودة ~
السلام عليكم .. ^^
تذكرون هالبوست اللي تكلمت فيه عن رحلاتنا هالصيف مع مؤسسة مهارات الحياة للخدمات التربوية 
.. اتكلمت عن رحلتين .. الاولى بريطانيا التعليمية .. و الثانية ماليزيا الترفيهية ^^
ان شاء الله انا بكون احد المشرفين في رحلة ماليزيا … 
بس بغيت اقول اني بغيب عن المدونة خلال الفترة الياية .. و لمدة اسبوعين تقريبا 
و اسف إذا بدا مني اي تقصير .. 
و السمووحة منكم
** ها ألبوست كتبته عالسريع لاني رايح المطار بعد شوي و بشل اللابتوب وياي 
تشااو
اخوكم .. الغواص~
يونيو
30
2009
30
2009
{ رحلة دبي و الشارقة ~
بسم الله الرحمن الرحيم
السلام عليكم .. في البدايهـ أعتذر من الكل أن مانزلت الموضوع بسرعهـ لظروف خارجه عن إرادتي وكنت متردد أحط الموضوع لكن قلت خلني احط شي يديد في المدونه لوول
المهم .. يوم الجمعهـ مب الي طاف .. الي قبلهـ يعني تاريخ 19- 6- 2009م كان عندنا رحلة “مبيت ” إلى دبي و الشارجة مع مؤسسة مهارات الحياة للخدمات التربوية .. الرحلة كانت للمرحلة الإعدادية و الثانوية 
بصراحة كانت الرحلة حلووهـ لو أنها مدتها بسيطه و الشباب ما شاء الله عليهم تفاعل و حماس طوول الرحلة .
. عدد المشاركين كان تقريبا 31 طالب و 7 مشرفين 
يونيو
27
2009
27
2009
{ محاولات تصوير ~
السلام عليكم .. كيف الحاااال
تعرفون اجازة الصيف هو الوقت الوحيد اللي ممكن الواحد يجابل فيه هواياته و ينمي مهاراته
و تعرفون بعد اني من زمااان ماخذ كيمرة نيكون D200 و ما حللت قيمتها !!! 
من يومين كنت اكلم اخوي محمد .. صاحب ” مدونة الذهب “ .. فيقوولي : شو اخبار التصوير وياك ؟
قلتله والله ما فيه شي يديد ,, ما اعرف شو اصور ,, و ما فيه حد يشجع >>> شكلي غمظته بهالكلمة 
فقالي شو رايك باجر نتلاقى >> على اساس انه بنصور كم شي داخل البيت .. عاد انا ما صدقت على طول قلت اوكي .. 
الموهم ,, وياني الحبيب ويايب معاه العده ,, عدسات و فلاتر و ها اللي يسمونها “خيمة ضوئية”.. و كم درس من النت ,, و كم ملف بي دي اف “كتب الكترونية” يعني ما شاء الله عليه ,, سوالي دورة في البيت
يونيو
15
2009
15
2009
{ عدنا + تصميم عالطاير ~
السلام عليكم ,, الحمد لله خلصنا الامتحانات ,, و افتكينا من لوعة الجبد ,, و جاااااااااان يبدا الصيف ,,
دخيلكم لا تسألوني شو النتايج و هالسوالف ,, لانه هالسؤال يغصص علي حياتي 
امم ,, ها تصميم سويته من فترة ,, التصميم ماله فكرة و لا هدف .. مجرد تمرين و استعادة لياقة لا اكثر ..
بصراحة طبقت درست اجنبي “ الشعاع اللي لاف الولد “
ها التصميم .. ان شاء الله يعيبكم