ålgнаωаѕ βlоg

السلام عليكم .. الويكند الماضي كان فيه مخيم لمؤسسة مهارات الحياة للخدمات التربوية ..  تقسيم الشباب كان على حسب الفئة العمرية ..

المجموعة الأولى من الصف الخامس إلى الصف السابع

المجموعة الثانيـة من الصف الثامن إلى الحادي عشر

المخيم كان على يومين - الخميس و الجمعة - في البداية كان التجمع في المؤسسة عالساعة 3 و نص إلى ان اكتمل  العدد .. صلينا العصر و تحركنا إلى مخيم الشارقة الكشفي اللي كنا حاجزينه من قبل .. وصلنا هناك و صلينا المغرب و العشاء ..

في البداية كان فيه كلمة لقائد المخيم .. و بعض التوجيهات و التعليمات الموهيم ..  بعدها وزعنا المجموعات و كل مجموعة نصبت خيمتها بروحها ..

أكمل قراءة بقية الموضوع

عدنا من جديد ^_^

في الفترة اللي طافت كنت انا و 3 من الشباب في رحلة خليجية سريعة  لمدة اسبوع  مرينا فيها على البحرين و الكويت و قطر - بالسيارة طبعا - بصراحة الرحلة كانت وناسة مع الشباب .. ما قصروا يزاهم الله خير .. هاي نبذه عن الرحلة باختصار

في البداية لازم نعرفكم بطاقم الرحلة .. خالد و عبد العزيز و علي و انا .. اتحركنا يوم الثلاثاء الظحى مرينا عالشباب و حركنا صوب الحدود  طبعا اول شي كان لازم نعين ( أمير للرحلة ) يعني مثل الليدر  و ( مسؤول مالي ) عشان يمسك الميزانية و ما يلعب بالفلوس .. و بتصويت الشباب .. خالد كان الأمير و انا طلعت  المسؤول المالي >> محد قالكم تبلشون عمركم فيني 

أكمل قراءة بقية الموضوع

السلام عليكم … كيف الحااال >> حسيتوا اني مستانس مع هالابتسامة

واخييرا خلصنا من جو الدراسة و لوعة الجبد و  بدت اجازة الربيع ..

من يومين طلعت مع 3 من الشباب ( عبود و عبود و عبود ) و رحنا بر الختم .. وها تقرير بسيط عن الطلعة حق اللي ما كانوا معانا .. و حق المغتربين في امريكا .. اسمحولي عاد باخذ راحتي شوي

أكمل قراءة بقية الموضوع

السلام عليكم ؟  فيه حد هنيي ؟؟ 

بصراحة اشتقت للمدونة .. من 5 شهور  ما حطيت شي فيها

شحاالكم زوار مدونتي الأعزاء  >> كل هالمدة و نفس الجملة ما تغيرت

اعتذر عن التقصير و الانقطاع الطوييل .. بيني و بينكم ما عندي عذر مقنع يخليني انقطع هالمدة كلها ..

السبب الرئيسي كان الهيازة و بعد انشغلنا شوي بالدراسة  و كم شغله غيرها .. فما فظيت  اسوي شي للمدونة

المووهيييم .. و اخييرا .. خلصنا هالكورس>> ما بغينا نخلص .

بس الحمد لله  .. النتايج طيبة .. و  الحيين عندنا اجااازة شهر >اهم شي

.

.

ما بطول عليكم .. هالتدوينة كانت مجرد زيارة لهالصفحة  .. و منها نشكر  اللي راسلوني و سئلوا عني خلال فترة انقطاعي عن المدونة

يزاكم الله خير و ما قصرتوا .. و السموحة عالقصور

اخوكم .. سالم الغواص

السلام عليكم .. كيف الحال شباب ..

يوم الجمعة الي طاف رحت انا و اخويه عايض ” ملتقى الإنشاد الإماراتي “ في خور فكان .. بصراحة كان الملتقى روووعه

ما بطول عليكم .. اخليكم مع التقرير احسن

ما فيني انقله لان الصور وايد

ادخلوا الرابط أريح

من هناااااااا

____

في الختام .. حبيت أشكر اخويه “عايض العامري” مسكين كرفته وياي طوول الدرب يسوق  ,, رايح راد مع انه كان راجع من السفر >> والله كان ودي اسوق عنك بس ” مشكلة القير العادي ”

و الشكور موصول لجميع القائمين على الملتقى .. و أخص اخويه ” محمد راشد النقبي “ بصراحة ما قصر ويانا .. يزاكم الله خير و ان شاء الله في ميزان حسناتكم و بإذن الله نشوفكم في ملتقيات ثانية